Баскетбалісты "Цмокi-Мiнск" прайгралі польскаму клубу "Зялёна Гура" ў дамашнім матчы Адзінай лігі ВТБ. Гульню ў мінскім "Фалькон Клубе" гаспадары пачалі добра, выйграўшы першую чвэрць з перавагай 13 ачкоў. У другім адрэзку мінчане таксама валодалі ініцыятывай і пайшлі на вялікі перапынак пры ліку 48:31 на сваю карысць. Трэцюю дзесяцімінутку падапечныя Расціслава Вергуна правалілі, дазволіўшы сапернікам скараціць разрыў да трох ачкоў. У апошняй чвэрці госці таксама згулялі лепш і ў канцоўцы вырвалі перамогу - 80:75 (12:25, 19:23, 29:15, 20:12).
На здымку: у час матчу
