Жабінкаўскі цукровы завод плануе атрымаць каля 150 тыс. т цукру з цукровых буракоў новага ўраджаю. Умовы надвор'я ў гэтым годзе добра паўплывалі на ўраджай цукровых буракоў. На заводзе ў Жабінцы плануюць прыняць каля 1,2 млн т салодкіх караняплодаў. Стартаваў сезон перапрацоўкі 5 верасня і, як чакаецца, прадоўжыцца да сярэдзіны студзеня. Для перапрацоўкі цукровыя буракі ў Жабінку пастаўляюць з 13 раёнаў Брэсцкай вобласці і двух раёнаў Гродзенскай вобласці. Прыкладна 70 працэнтаў сыравіны паступае па чыгунцы.
На здымку: у час пастаўкі цукровых буракоў.
