Подзвіг нашых продкаў ніколі не згасне ў гісторыі краіны. Такім меркаваннем падзяліўся старшыня Магілёўскага аблвыканкама Леанід Заяц у час урачыстага мерапрыемства, прысвечанага Дню Перамогі. Гасцямі ўрачыстага мерапрыемства на плошчы Славы сталі прадстаўнікі Магілёўскага аблвыканкама і гарвыканкама, дэпутацкіх карпусоў, грамадскіх аб'яднанняў, прадпрыемстваў і арганізацый горада, ветэраны, моладзь і жыхары абласнога цэнтра. Яны ўсклалі вянкі і кветкі да вечнага агню і ўшанавалі мінутай маўчання памяць загінулых. У гэты ж час на плошчы пачала працаваць выстаўка ваеннай тэхнікі. Тут жа прайшла рэспубліканская акцыя "Беларусь памятае".
На здымку: у час мітынгу