25 гадоў таму ў Віцебску адкрыўся адзіны ў Беларусі музей, прысвечаны вайне ў Афганістане. У ім беражліва захоўваюць памяць аб мужнасці і гераізме беларусаў, якія ваявалі ў складзе абмежаванага кантынгенту савецкіх войскаў. Экспазіцыя перадае атмасферу і адлюстроўвае падзеі таго часу праз дакументы, фатаграфіі, узнагародныя знакі загінулых суайчыннікаў, іх пісьмы родным, праз захаваную зброю, бронекамізэлькі, міны. У фондах больш за 8 тыс. экспанатаў.
На здымку: у Віцебскім гарадскім музеі воінаў-інтэрнацыяналістаў.
