Асабовы склад органаў унутраных спраў Віцебскага гарнізона з 15 ліпеня на час "Славянскага базару" пяройдзе на ўзмоцнены варыянт нясення службы. Для забеспячэння бяспекі гасцей і жыхароў горада ў час "Славянскага базару ў Віцебску" на дапамогу мясцовым праваахоўнікам прыедуць калегі з іншых абласцей Беларусі. Яны дапамогуць у арганізацыі прапускнога рэжыму ў Летні амфітэатр, канцэртную залу "Віцебск", а таксама будуць патруляваць цэнтр горада.
На здымку: у час перадфествальнага інструктажу.
