Мы будзем памятаць подзвігі продкаў у Вялікай Айчыннай вайне і змагацца за светлую будучыню нашых нашчадкаў. Аб гэтым сказаў старшыня Магілёўскага аблвыканкама Леанід Заяц падчас урачыстага мерапрыемства, прысвечанага Дню Перамогі, якое прайшло ў Магілёўскім абласным шпіталі інвалідаў Айчыннай вайны.
Падчас урачыстага мерапрыемства Леанід Заяц наведаў палаты ветэранаў і ўдзельнікаў вайны, дзе павіншаваў іх з надыходзячым святам і перадаў падарункі. А пасля госці ўсклалі кветкі да мемарыяла памяці пацыентаў Магілёўскай псіхіятрычнай бальніцы, забітых нямецкімі акупантамі ў 1941-1942 гадах.
На здымку: старшыня Магілёўскага аблвыканкама Леанід Заяц падчас гутаркі з удзельнікам ВАВ Васілем Саладковым.
