У вёсцы Кузьмічы Любанскага раёна больш за 250 дамоў, амаль у кожным ёсць руская печ. Без справы яны не прастойваюць нават гарачым летам, а ўсё таму, што мясцовыя гаспадыні зберагаюць даўнюю традыцыю - выпякаюць хлеб па асаблівых рэцэптах. І не толькі ў выхадныя, святы, а кожны дзень, сцвярджаючы, што з магазінным іх жытнікі і сітнікі не параўнаць. Нядаўна традыцыю хатняга выпякання хлеба Кузьмічоў занеслі ў Дзяржаўны спіс гісторыка-культурных каштоўнасцей Беларусі.
На здымку: хлеб, які выпекла Таццяна Хацько
