Сучасны фізкультурна-аздараўленчы комплекс "АкваСтар" адкрылі 9 снежня ў Старых Дарогах. Комплекс узвялі ў густанаселеным мікрараёне. У новым аб'екце, які пабудавалі роўна за год, размясціўся басейн з чашамі для дарослых і дзяцей, а таксама трэнажорная, більярдная і фітнес-зала, саўна. Для наведвальнікаў таксама зрабілі ўтульнае кафэ. Наведваць аб'ект змогуць спартсмены, школьнікі і іншыя гараджане. Аб'ект перададзены на баланс ДУ "ДЮСШ Старадарожскага раёна".
На здымку: маладыя спартсмены адкрываюць новы ФАК.