Скульптурную кампазіцыю з бюстам Янкі Купалы адкрылі 1 ліпеня ў пасёлку Копысь Аршанскага раёна - у месцы, дзе некалі жыў народны паэт. На пастаменце з граніту ў бронзе - любімы паэт не аднаго пакалення беларусаў. На шэрай пліце побач з бюстам паказаны два буслы, якія ляцяць уверх, нібыта крылатыя радкі купалаўскіх вершаў. Гэта работа кітайскага скульптара У Вэйшаня стала падарункам пасольства Кітайскай Народнай Рэспублікі ў Беларусі, прадстаўнікі якога пабывалі ў музеі-сядзібе Янкі Купалы ў Ляўках і былі ўражаны жыццём і творчасцю класіка.
На здымку: бюст Янкі Купалы
