У Нацыянальным мастацкім музеі існуе аддзел навукова-рэстаўрацыйных майстэрняў. На сёння ў аддзеле працуюць спецыялісты, якія маюць вышэйшую, першую і другую катэгорыю мастака-рэстаўратара па рэстаўрацыі станковага алейнага і тэмпернага жывапісу, паліхромнай скульптуры, твораў мастацтва з тэкстылю, фарфору, скуры, рам, твораў графікі. У бягучым годзе ў Нацыянальнага мастацкага музея з'явіўся новы рэстаўрацыйны корпус. Дзякуючы новым памяшканням плошча для правядзення рэстаўрацыйных работ павялічылася з 810 кв.м да 1398 кв.м. Майстэрні падзялілі наступным чынам: чатыры - спецыялістам па рэстаўрацыі алейнага жывапісу, столькі ж - рэстаўратарам з сектараў старажытнабеларускага і дэкаратыўна-прыкладнога мастацтва. Ёсць асобныя майстэрні па аднаўленні прадметаў з тканіны, металу, дрэва, фарфору і керамікі.
На здымку: у рэстаўрацыйных майстэрнях Нацыянальнага мастацкага музея.
