Традыцыйна апафеозам танцавальнага сезона для беларускіх спартсменаў усіх узростаў і катэгорый становіцца чэмпіянат і першынство краіны. Больш за 1 тыс. прафесійных танцораў вось ужо другі дзень спрачаюцца на паркеце сталічнага Палаца спорту за званне лепшых выканаўцаў праграм, каб дэманстраваць майстэрства і грацыю беларускага спорту за мяжой. Арганізатары зарэгістравалі для ўдзелу больш за 1,3 тыс. выхадаў на паркет, што значна перавышае колькасць выступленняў на чэмпіянаце краіны мінулага года. Спаборніцтвы па танцавальным спорце праводзяцца ў дзвюх праграмах: еўрапейскай і лацінаамерыканскай. Наступны старт у свеце беларускага танцавальнага спорту пройдзе ў маі-чэрвені. Чэмпіянат краіны ўпершыню за 25 гадоў прыме Гродна.На здымку: у час спаборніцтваў.
