Па ініцыятыве грамадзян у Круглянскім раёне аднаўляюць і акультурваюць помнікі прыроды - крыніцы. Жыхары аграгарадка Цяцерына выступілі з ініцыятывай прывесці ў парадак крыніцу, якая знаходзіцца побач са школай. Ідэю падтрымаў раённы Савет дэпутатаў, у выніку сумеснымі намаганнямі было зроблена прыгожае і маляўнічае месца адпачынку. Работы па добраўпарадкаванні доўжыліся каля паўгода. Тут расчысцілі зямлю ад зараснікаў, зрабілі вадаём, упрыгожылі тэрыторыю малымі архітэктурнымі формамі, пасадзілі елкі.
На здымку: помнік прыроды "Крыніца" ў аграгарадку Цяцерына.