Аддзяленне інваспорту па плаванні Бабруйскай СДЮШАР працуе ўжо два гады. Пад кіраўніцтвам трэнера Радзівона Сініцына ў шасці групах тут займаюцца 37 чалавек ва ўзросце ад 8 да 27 гадоў. Плаванне дапамагае рэабілітавацца пасля складаных аперацый і ўмацаваць здароўе людзям з абмежаванымі магчымасцямі, надае ім упэўненасць у сабе. Таксама тут важны і вынік: выхаванцы Радзівона Сініцына становяцца неаднаразовымі пераможцамі розных спаборніцтваў, у тым ліку чэмпіянатаў краіны па плаванні для інвалідаў з праблемамі апорна-рухальнага апарату і зроку.
На здымку: падчас заняткаў па плаванні.
