Тытул "Студэнт года-2019" заваявала студэнтка 4-га курса факультэта славянскіх і германскіх моў Баранавіцкага дзяржаўнага ўніверсітэта Дар'я Паўлоўская.
Другое месца ў рэспубліканскім конкурсе заняў студэнт 4-га курса агранамічнага факультэта Гродзенскага дзяржаўнага аграрнага ўніверсітэта Арцём Несцярук. Ён жа стаў пераможцам у намінацыі "Студэнт года анлайн".
На трэцім месцы студэнт 2-га курса факультэта культуралогіі і сацыякультурнай дзейнасці Беларускага дзяржаўнага ўніверсітэта культуры і мастацтваў Кірыл Громаў.
Фінал конкурсу прайшоў 10 снежня ў Мінскім дзяржаўным палацы культуры, у ім прынялі ўдзел дзесяць лепшых студэнтаў краіны. Праект арганізаваны БРСМ пры падтрымцы Міністэрства адукацыі.
На здымку: Дар'я Паўлоўская