Станцыя кальцавання "Ясельда" была адкрыта ў заказніку "Спораўскі" чатыры гады таму. Адна з мэт станцыі кальцавання - адсочваць асаблівасці міграцыі відаў птушак, якіх у пойме ракі Ясельда налічваецца каля 120 відаў. Арнітолагі прыязджаюць у "Спораўскі" раз у месяц на некалькі дзён. У наступным месяцы яны ўжо плануюць закрыць асенні сезон. Усяго за чатыры гады на станцыі "Ясельда" акальцавана амаль 10 тыс. птушак.
На здымку: старшы навуковы супрацоўнік сектара маніторынгу жывёльнага свету НПЦ НАН Беларусі па біярэсурсах Дзмітрый Жураўлёў адпускае акальцаваных птушак на свабоду.
