Шматфункцыянальны спартыўны комплекс з басейнам пасля маштабнага рамонту і рэканструкцыі адкрылі 3 ліпеня ў Гомелі. На цырымоніі адкрыцця старшыня Гомельскага аблвыканкама Генадзь Салавей падкрэсліў, што гэта не проста спарткомплекс, а ўласная спартыўная база для вучылішча алімпійскага рэзерву. Губернатар нагадаў: за сваю больш як паўвекавую гісторыю тут прайшлі падрыхтоўку многія знакамітыя спартсмены.
На здымку: у час урачыстага адкрыцця комплексу (злева направа) старшыня Гомельскага гарвыканкама Пётр Кірычэнка і старшыня Гомельскага аблвыканкама Генадзь Салавей.