Галоўныя героі дзіцячай казкі венгерскага пісьменніка Дзюлы Урбана "Усе мышы любяць сыр" - белая мышка Фружы і шэрае мышаня Шома сустрэліся на сыраварні і пасябравалі. Але іх дружбе перашкаджаюць бацькі, якія ўчынілі сапраўдную мышыную вайну! Дзеці не разумеюць прычын узаемнай варожасці белых і шэрых бацькоў. Яны так падабаюцца адзін аднаму і так хочуць сябраваць, што адчайна і бясстрашна адпраўляюцца дапамагаць кошцы. Дзіўныя ператварэнні і прыгоды прымусяць герояў зразумець, што іх жорсткія сваркі бессэнсоўныя, а ўсе мышы аднолькава любяць сыр. У спектаклі заняты Ангеліна Мандрык, Валерый Бабкін, Расціслаў Чарнецкі, Дзмітрый Рубель, Вольга Жадзько, Настасся Трушко, Максім Філатаў.
На здымку: казка "Усе мышы любяць сыр".
