Помнік народнаму пісьменніку Беларусі Івану Шамякіну ўстановяць у Добрушы да Дня беларускага пісьменства. Рашэнне аб устаноўцы помніка выдатнаму беларускаму пісьменніку ў яго родным Добрушскім раёне было прынята ў мінулым годзе. Журы прадставілі шэсць праектаў помніка. Перамагла работа аўтарскага калектыву Уладзіміра Піпіна і Канстанціна Касцючэнкі.
Цяпер у скульптурнай майстэрні Беларускага саюза мастакоў скульптары пачалі стварэнне скульптуры ў натуральную велічыню. Работы над вырабам бронзавага помніка вышынёй 2,5 м і на метровым п'едэстале будуць завершаны да канца жніўня гэтага года.
На здымку: Канстанцін Касцючэнка і Уладзімір Піпін каля эскіза помніка.