Урачыстае адкрыццё помніка Іосіфу Камінскаму адбылося 14 мая на гарадскіх могілках Лагойска.
Абноўлены помнік устаноўлены на месцы пахавання Іосіфа Камінскага па ініцыятыве Рэспубліканскага ўнітарнага прадпрыемства "Белмытнясэрвіс". Праект на ўсіх этапах яго рэалізацыі быў падтрыманы Лагойскім раённым выканаўчым камітэтам.
Іосіф Камінскі - адзіны жыхар Хатыні, які выжыў у дзень, калі нямецка-фашысцкія захопнікі спалілі вёску. Ён стаў прататыпам скульптуры "Няскоры чалавек" у мемарыяльным комплексе "Хатынь".
На здымку: помнік Іосіфу Камінскаму
