29 мая ў Мазыры ўшаноўвалі пераможцаў (з Гомельскай вобласці) рэспубліканскага спаборніцтва па дасягненні лепшых вынікаў у сацыяльна-эканамічным развіцці сельскагаспадарчай галіны сярод раёнаў Беларусі. За 2019 год сярод абласцей лепшай прызнана Брэсцкая, сярод раёнаў - Мазырскі. За значны ўклад у развіццё галіны, дасягненне высокіх вытворчых паказчыкаў працаўнікам АПК Мазырскага раёна аб'яўлена Падзяка Прэзідэнта і ўручаны падарачны сертыфікат на трактар "Беларус". Падзяка Прэзідэнта і сертыфікат на трактар перададзены і калектыву работнікаў КСУП "Саўгас-камбінат "Зара" Мазырскага раёна. На цырымоніі ўручылі таксама і іншыя ўзнагароды.
На здымку: ганаровай граматай Савета Міністраў узнагароджана дырэктар ААТ "Зорка" Чачэрскага раёна Галіна Трыбунах.
