Рэспубліканскі патрыятычны працоўны праект "Зімовы маршрут" стартаваў 24 студзеня ў Магілёве. Першым пунктам маршруту стаў мемарыяльны комплекс "Лупалаўскі лагер смерці". Тут удзельнікі студаатрадаўскага руху Магілёўшчыны прынялі ўдзел у працоўнай акцыі "Мы памятаем". Маладыя людзі прыбралі снег і добраўпарадкавалі тэрыторыю каля мемарыяльнага комплексу.
На здымку: падчас расчысткі снегу на мемарыяльным комплексе "Лупалаўскі лагер смерці".