Напярэдадні Дня Перамогі, Дня Дзяржаўнага герба і Дзяржаўнага сцяга Беларусі БРСМ даў старт патрыятычнай акцыі "Іх імёнамі названы студэнцкія атрады". Студатрадам будуць прысвоены імёны герояў Савецкага Саюза і поўных кавалераў ордэна Славы, удзельнікаў Вялікай Айчыннай вайны - беларусаў і ўраджэнцаў Беларусі, а ў гонар 80-годдзя гераічнай абароны Брэста і Брэсцкай крэпасці - імёны яе абаронцаў.
Для маладых людзей падрыхтавана вялікая тэматычная праграма. 7 мая моладзь усклала кветкі да Памятнага знака вызваліцелям Беларусі і стэлы "Мінск - горад-герой", а таксама наведала Беларускі дзяржаўны музей гісторыі Вялікай Айчыннай вайны.
На здымку: у час цырымоніі ўскладання кветак.