Дзяржава зацікаўлена ў тым, каб максімальная колькасць інвалідаў, у якіх ёсць паказанні і рэкамендацыі да працы, мелі магчымасць працаваць і зарабляць. Аб гэтым паведаміў сёння журналістам намеснік прэм'ер-міністра Ігар Петрышэнка.
На базе УП "Святлопрыбор" ГА "БелТІЗ" праходзіць пасяджэнне Рэспубліканскага міжведамаснага савета па праблемах інвалідаў. Удзельнікі сустрэчы шукаюць шляхі, як забяспечыць устойлівую работу прадпрыемстваў таварыства інвалідаў, палепшыць іх магчымасці як роўныя канкурыраваць на рынку працы. Па выніках абмеркавання будзе складзена праграма дзеянняў і даручэнняў для розных ведамстваў. Пасяджэнні савета праходзяць звычайна двойчы ў год, але ў 2021-м плануецца праводзіць іх паквартальна.
На здымку: у час пасяджэння.
