Кожны дэпутат павінен узяць на кантроль дамы-інтэрнаты для пажылых і інвалідаў у сваёй акрузе. Аб гэтым 21 мая на пасяджэнні Палаты прадстаўнікоў заявіў яе старшыня Уладзімір Андрэйчанка. Для мінімізацыі распаўсюджвання інфекцыі ў сацыяльных установах для пажылых людзей і інвалідаў прыняты шэраг мер. Дамы-інтэрнаты пераведзены на поўную ізаляцыю, персанал працуе вахтавым метадам, праводзіцца штодзённы медкантроль, ёсць запас сродкаў індывідуальнай аховы і лякарстваў.
На здымку: у час пасяджэння.
