Творчы вечар да 125-годдзя з дня нараджэння народнага пісьменніка Беларусі Кандрата Крапівы адбыўся сёння ў музеі гісторыі Вялікай Айчыннай вайны. Гісторыямі пра жыццё і творчасць пісьменніка падзялілася яго ўнучка - кандыдат мастацтвазнаўства, загадчыца кафедры дызайну моды факультэта сацыякультурных камунікацый БДУ Алена Атраховіч. У экспазіцыйнай зале музея "Карэнны пералом у ходзе Вялікай Айчыннай вайны. Савецкі тыл" адкрылася часовая экспазіцыя, у якой можна ўбачыць фатаграфіі, дакументы, асабістыя рэчы Кандрата Крапівы.
На здымку: часовая экспазіцыя.