Новы апарат штучнай вентыляцыі лёгкіх уручылі 7 чэрвеня Гродзенскаму абласному спецыялізаванаму дому дзіцяці для дзяцей з арганічным пашкоджаннем цэнтральнай нервовай сістэмы і парушэннем псіхікі. Новае медыцынскае абсталяванне закуплена ў рамках праекта "Дай пяць дабру" Беларускага фонду міру і кампаніі "5 элемент". Апарат будзе выкарыстоўвацца ў палаце паліятыўнай дапамогі Дома дзіцяці.
На здымку: галоўны ўрач Гродзенскага абласнога спецыялізаванага дома дзіцяці з арганічным пашкоджаннем цэнтральнай нервовай сістэмы і парушэннем псіхікі Алег Страбкоў і старшыня праўлення Гродзенскага абласнога аддзялення ГА "Беларускі фонд міру" Іван Калбаска.
