Новы корпус адкрыўся ў Мінскім гарадскім сацыяльным пансіянаце "Вяча". Памяшканні корпуса напоўнены як медыцынскім абсталяваннем, так і неабходным інвентаром для пражывання. У асноўным у сацыяльным пансіянаце пражываюць людзі з псіханеўралагічнымі захворваннямі. І для іх, акрамя пакояў для пражывання ў новым корпусе, на кожным паверсе знаходзіцца вялікае памяшканне для групавых заняткаў і памяшканне для работы сацыяльных рэабілітолагаў, псіхолагаў, сацыяльных працатэрапеўтаў. Сёння сацыяльны пансіянат "Вяча" з'яўляецца самым вялікім у Беларусі. Яго ўмяшчальнасць складае 810 чалавек.На здымку: у час азнаямлення з умовамі пражывання.
