Дзіцячы сад у Фаніпалі стаў шостым у горадзе і трэцім, у якім абсталяваны басейн. Установа дашкольнай адукацыі разлічана на 230 хлопчыкаў і дзяўчынак, для якіх прадугледжаны музычная і фізкультурная залы, сэнсарны пакой, кабінет настаўніка-дэфектолага, а таксама развіваючыя цэнтры. У новым дзіцячым садзе дзеці змогуць наведваць экалагічны пакой, пакой для навучання правілам бяспечных паводзін, цэнтры патрыятычнага выхавання і астраноміі, залы для гульні ў шашкі і шахматы.
На здымку: падчас адкрыцця дзіцячага сада ў Фаніпалі.