У мемарыяльным комплексе "Брэсцкая крэпасць-герой" 3 ліпеня адкрылі новую музейную экспазіцыю, прысвечаную абароне Усходняга форта. Новы музей створаны ў казематах унутранага вала Кобрынскага ўмацавання. Гэта ўнікальны фартыфікацыйны аб'ект, які абаронцы крэпасці ператварылі ў самы магутны ачаг супраціўлення ў чэрвені 1941 года. Экспазіцыя створана на сродкі Саюзнай дзяржавы ў рамках вялікага праекта па капітальным рамонце, музеефікацыі і рэстаўрацыі збудаванняў крэпасці, у які ўкладзена каля Br2,6 млн.
На здымку: на адкрыцці экспазіцыі.