У Паўднёва-Заходнім мікрараёне Брэста з пачатку новага навучальнага года пачне работу школа, якая стане самай вялікай па ўмяшчальнасці ў вобласці. У трохпавярховым будынку адначасова змогуць займацца 1480 дзяцей. Заявак ад жыхароў мікрараёна пададзена больш за 2 тыс., сярод якіх каля 500 - на паступленне ў першы клас. На тэрыторыі школы створана безбар'ернае асяроддзе для наведвання інвалідамі-калясачнікамі навучальнай установы. Таксама тэрыторыя абсталявана рознымі спартыўнымі пляцоўкамі.
На здымку: у вучэбным класе.