Мост цераз Сож на трасе М8 прызнаны аварыйным. Як паказала экспертыза, з-за карозіі ў адным з блокаў моста стала непрыдатнай арматура.
У мэтах бяспекі па ім абмежаваны рух грузавога транспарту. Велікагрузы цяпер накіроўваюць праз Гомель: аб'язная дарога займае каля 8 км.
На падыходах да моста ўстаноўлены дарожныя знакі, а таксама схемы, якія інфармуюць вадзіцеляў, у якіх поўная маса транспартнага сродку перавышае 5 т, аб неабходнасці рухацца ў абход моста. Рух для легкавых машын пакуль адкрыты.
Кантроль за рухам транспарту па мосце ажыццяўляюць супрацоўнікі Гомельскага філіяла Транспартнай інспекцыі Беларусі.
На здымку: супрацоўнікі Гомельскага філіяла Транспартнай інспекцыі Беларусі накіроўваюць фуры ў абход моста.