20 мая ў Мінску адкрыўся XVII Міжнародны форум па цепламасаабмене. У форуме прымаюць удзел амаль 300 вучоных, сярод якіх госці з Расіі, Кітая, Узбекістана, Таджыкістана, Ізраіля. Будзе заслухана каля 200 дакладаў. Арганізатарам форуму выступае Інстытут цепла- і масаабмену імя А.В. Лыкава НАН Беларусі, які з'яўляецца вядучай у рэспубліцы навуковай установай, што займаецца распрацоўкай энергаэфектыўных і экалагічна бяспечных тэхналогій і тэхнікі, апаратаў і прыбораў для энергетыкі і машынабудавання, аграпрамысловага комплексу і будіндустрыі, медыцыны, хімічнай, электроннай, радыётэхнічнай, харчовай прамысловасці, а таксама касмічнай галіны.
На здымку: у час работы форуму.