У краіне распрацаваны 12 праграм фундаментальных даследаванняў, у рамках якіх вызначаны групы прыярытэтаў для развіцця. Ключавыя вектары для прыкладання намаганняў айчынных вучоных перад сесіяй Агульнага сходу Нацыянальнай акадэміі навук у час сустрэчы з журналістамі назваў старшыня Прэзідыума НАН Беларусі Уладзімір Гусакоў. Так, апошнім часам сфера навуковых інтарэсаў беларускіх спецыялістаў усё часцей закранае сферу мікраэлектронікі, дзе ствараюцца найноўшыя транзістары і ўдасканальваюцца лазерныя прыборы. Усё больш увагі вучонымі ўдзяляецца штучнаму інтэлекту. На гэты момант спецыялісты ствараюць праграмныя прадукты для разнастайных напрамкаў. Яшчэ адзін прыярытэт - біятэхналогіі. Рэгулярна з'яўляюцца навінкі ў групе стымулятараў росту раслін, сродкаў для аховы ад шкоднікаў і хвароб. Не становяцца менш актуальнымі і навуковыя даследаванні ў галіне новых матэрыялаў. На здымку: на выстаўцы.
