Лавандавая ферма "Гомельскі праванс" размешчана побач з вёскай Рудня-Споніцкая Веткаўскага раёна. Гэта месца заўсёды прыцягвае аматараў прыгажосці ў стылі праванс. Нядаўна гэты пункт уключылі ў турыстычныя маршруты па Беларусі. Убачыць лавандавыя прасторы, удыхнуць ні з чым не параўнальны пах, зрабіць некалькі кадраў на памяць і забраць невялікі букецік з сабой - з такой місіяй сюды прыбываюць і расійскія турысты. Час цвіцення - усяго некалькі тыдняў, таму многія спяшаюцца сюды, каб убачыць бязмежныя прасторы лаванды. Урэшце, на ферме вырошчваюць больш за 50 відаў раслін, таму цікавасць да гэтага месца не знікае. У гадавальніку - дэкаратыўныя, пладовыя і ягадныя культуры.На здымку: "Гомельскі праванс".
