Сумесная вучэбная лабараторыя па падрыхтоўцы спецыялістаў у галіне кібербяспекі з адным з найбольш буйных вендараў (пастаўшчыкоў) сродкаў абароны інфармацыі ў Расіі адкрылася ў Беларускім дзяржаўным універсітэце інфарматыкі і радыёэлектронікі (БДУІР). Займацца ў новай лабараторыі будуць студэнты і магістранты кафедры абароны інфармацыі, курсанты ваеннага факультэта, якія навучаюцца па спецыяльнасці "інфармацыйная бяспека", а таксама слухачы курсаў павышэння кваліфікацыі, якія арганізуюцца Інстытутам інфармацыйных тэхналогій БДУІР. Таксама тут плануецца праводзіць трэніроўкі студэнтаў і курсантаў пры іх падрыхтоўцы да ўдзелу ў кібервучэннях, а таксама навукова-даследчыя работы, накіраваныя на ўдасканаленне метадаў і сродкаў абароны інфармацыі. Пасля адкрыцця новай лабараторыі эксперты сустрэліся са студэнтамі ВНУ.На здымку: у час адкрыцця сумеснай вучэбнай лабараторыі па падрыхтоўцы спецыялістаў у галіне кібербяспекі.
