У час асенніх канікулаў у Магілёўскай сярэдняй школе нумар 24 імя Сіманава функцыянуе выхаваўча-аздараўленчы лагер, куды прыходзяць 85 дзяцей - вучні 1-9-х класаў. Праграма разлічана не проста на "прадлёнку", а на насычанае правядзенне часу, калі кожнае дзіця знаходзіць занятак даспадобы. Дзень строга распісаны - раніца пачынаецца са снедання, агульнай зарадкі і лінейкі. Пасля лінейкі пачынаюцца атрадныя мерапрыемствы і заняткі ў хобі-цэнтрах. Кожны можа выбраць тое, што бліжэй: маляванне, лепку, танцы, музычную студыю, спартыўныя гульні. Ёсць нават заняткі па замежнай мове ў выглядзе гульнявых трэнінгаў. Для вучняў малодшых атрадаў абавязковы дзённы сон. У лагеры прадугледжаны і выязныя мерапрыемствы, але асабліва цэніцца прыезд артыстаў у школу. Як у школе, так і ў лагеры дзейнічае строгая лічбавая дысцыпліна. Пры ўваходзе ў школу ўсе дзеці здаюць мабільныя тэлефоны ў спецыяльны пакой, а забіраюць, калі ідуць дадому. Выхаваўча-аздараўленчы лагер у школе нумар 24 працуе ў кожны канікулярны перыяд - восенню, зімой, вясной і летам.На здымку: у школьным лагеры.
