XVII Міжнародны фестываль праваслаўных песнапенняў "Каложскі Благавест" праходзіць у Гродне з 7 па 10 лютага. Яго ўдзельнікамі сталі 35 калектываў з Беларусі, Расіі, Украіны, Польшчы, Румыніі і Узбекістана, упершыню ў Гродне выступяць царкоўныя хоры з Македоніі і Чарнагорыі. Прымуць удзел у фестывалі, у тым ліку 10 дзіцячых хораў. "Каложскі Благавест" праводзіцца Гродзенскай праваслаўнай епархіяй сумесна з галоўным упраўленнем ідэалагічнай работы, культуры і па справах моладзі Гродзенскага аблвыканкама і ДУК "Гродзенскі абласны метадычны цэнтр народнай творчасці".
На здымку: сербскае таварыства "Адзінства" (Чарнагорыя).