Гомельскі дзяржаўны мастацкі каледж - альма-матар многіх беларускіх тварцоў. Ён быў адкрыты ў 1989 годзе. За гэты час дзякуючы калектыву высокакваліфікаваных выкладчыкаў, большасць якіх члены Саюза мастакоў і Саюза дызайнераў Беларусі, выпушчана больш за 750 спецыялістаў.
Сёння навучанне праходзяць амаль 180 навучэнцаў па трох спецыяльнасцях: "жывапіс", "дызайн" і "дэкаратыўна-прыкладное мастацтва". Кожная з іх запатрабавана ў маладых людзей.
Больш як 200 выпускнікоў скончылі або цяпер прадаўжаюць навучанне ў Беларускай дзяржаўнай акадэміі мастацтваў, многія атрымліваюць вышэйшую адукацыю ў іншых ВНУ, у тым ліку замежных.
На здымку: Ульяна Яцэвіч і выкладчык Аляксандр Буланаў.
