Футбалісты салігорскага "Шахцёра" ўпершыню сталі ўладальнікамі Суперкубка Беларусі.
2 сакавіка ў паядынку за першы трафей новага сезона на полі ФК "Мінск" чэмпіёны краіны адолелі ўладальніка Кубка барысаўскі БАТЭ ў серыі пасляматчавых пенальці. У першым тайме перавага была на баку барысаўчан, салігорскія футбалісты адказвалі вострымі контратакамі, але нікому не ўдалося дабіцца поспеху. Пасля перапынку "Шахцёр" стаў дзейнічаць больш агрэсіўна, прымусіўшы барысаўчан абараняцца. Аднак у асноўны час лік так і не быў адкрыты - нічыя 0:0. У серыі пасляматчавых пенальці поспех быў на баку "Шахцёра" - 5:4.
На здымку: падчас матчу.