У сталіцы прадаўжаецца рэалізацыя маштабнага праекта "Мінск - здаровы горад", у прыватнасці новага напрамку - "Здаровы фітнес" па фарміраванні навыкаў самакантролю свайго фізічнага стану. Чарговая акцыя прайшла 1 красавіка ў аквапарку "Лябяжы". У дыягнастычнай зоне любы жадаючы змог прайсці дыягностыку асноўных захворванняў, памераць артэрыяльны ціск, частату сардэчных скарачэнняў, насычэнне крыві кіслародам, таксама ўзровень глюкозы ў крыві. Усе даныя будуць унесены ў электронны пашпарт здароўя ўдзельніка праекта "Здаровы фітнес" на платформе health-manager.
На здымку: вымярэнне ўзроўню глюкозы ў крыві.
