Удзельнікамі патрыятычнай акцыі "Звон смутку" на мемарыяльным комплексе "Буйніцкае поле" ў Дзень усенароднай памяці ахвяр Вялікай Айчыннай вайны і генацыду беларускага народа сталі больш як 5 тыс. чалавек. На Буйніцкае поле ў гэты дзень на світанні прыехалі прадстаўнікі кіраўніцтва Магілёўскай вобласці і горада Магілёва, дэпутацкага корпуса, грамадскіх аб'яднанняў, ветэранскіх арганізацый, працоўных калектываў, а таксама моладзь - школьнікі, навучэнцы каледжаў, студэнты ВНУ, магіляўчане і жыхары Магілёўскага раёна з сем'ямі і дзецьмі. У час мерапрыемства таксама стартаваў міжнародны маладзёжны патрыятычны праект "Дарогамі памяці і славы".На здымку: у час акцыі "Звон смутку" на Буйніцкім полі.
