Напярэдадні Дня без аўтамабіля, які штогод праходзіць 22 верасня, супрацоўнікі ДАІ Маскоўскага РУУС Мінска і школьнікі СШ №83 заклікаюць аўтамабілістаў далучыцца да гэтай экалагічнай акцыі. Адзін з прыпынкаў Маскоўскага раёна зрабілі экспазіцыяй малюнкаў, выкананых школьнікамі. Вадзіцелі, спыненыя супрацоўнікамі ДАІ, атрымалі лістоўкі з заклікам прыняць удзел у акцыі, а тыя з іх, якія паабяцалі пакінуць аўтамабіль дома і стаць пешаходамі або веласіпедыстамі на адзін дзень, атрымалі ў падарунак святлоадбівальныя элементы.
На здымку: вучні сярэдняй школы №83 імя Жукава і старшы інспектар па агітацыі і прапагандзе аддзела ДАІ Маскоўскага РУУС маёр міліцыі Любоў Трапашко ў час акцыі.