У рамках дабрачыннага праекта "Крылы шчасця" 20 кастрычніка ў Старых Дарогах адбылося адкрыццё спецыяльнай адаптыўнай гульнявой пляцоўкі, а таксама інклюзіўнай прасторы, у якой будуць працаваць гурткі для дзяцей з асаблівасцямі развіцця. Ініцыятарам выступіла кампанія "СК хайнікс мемары салюшнс Усходняя Еўропа", рэзідэнт Парка высокіх тэхналогій, пры падтрымцы Міністэрства адукацыі.
Гульнявая пляцоўка створана для выхаванцаў Старадарожскага раённага цэнтра карэкцыйна-развіваючага навучання і рэабілітацыі.
Акрамя гульнявой пляцоўкі на базе інклюзіўнай прасторы адкрылася таксама арт-студыя, у якой пад кіраўніцтвам творчага педагога хлопчыкі і дзяўчынкі з асаблівасцямі развіцця будуць раскрываць свае таленты, спасцігаць розныя тэхнікі прыкладнога мастацтва.
На здымку: падчас адкрыцця пляцоўкі.
