Знешнія сілы не аказваюць ніякага істотнага ўплыву на парламенцкія выбары. Такое меркаванне выказаў беларускі палітолаг Юрый Шаўцоў у эфіры тэлеканала "Беларусь 1", паведамляе БЕЛТА.
"У нас не ўзнікла ніякага масавага пратэснага руху, не з'явіліся перабежчыкі з ліку вядомых чыноўнікаў у апазіцыю. Такога расколу, нават у мініяцюры, не адбылося. Няма росту радыкалізму, не відаць істотных праяў палітычнага экстрэмізму... Таму раблю выснову, што ніякага істотнага ўплыву знешнія сілы на гэтыя выбары не аказваюць", - адзначыў Юрый Шаўцоў.
У той жа час палітолаг канстатаваў, што цікавасць звонку да гэтай кампаніі даволі вялікая, таму што Беларусь пасля пачатку крызісу ва Украіне стала вельмі важным элементам стабільнасці ва Усходняй Еўропе. "Ад таго, як пройдуць гэтыя выбары і асабліва маючыя адбыцца прэзідэнцкія, многае залежыць у камбінацыях вялікіх палітычных сіл. Таму інтарэс сур'ёзны", - растлумачыў ён.
Юрый Шаўцоў звярнуў увагу, што парламенцкія выбары пры нашай сістэме ўлады з'яўляюцца не настолькі значнымі, як прэзідэнцкія. Гэта азначае, што тыя, хто хоча ўмешвацца ў беларускую палітыку, будуць больш актыўнымі на прэзідэнцкіх выбарах. Аднак, на яго думку, у беларускага грамадства і эліт ужо сфарміравалася пэўная традыцыя палітычных паводзін. "Пасля пачатку крызісу ва Украіне гэта другія парламенцкія і будуць другія прэзідэнцкія выбары. І мы бачым, што палітыка, якую вядзе Беларусь пасля пачатку ўкраінскага крызісу, падтрымліваецца грамадствам. За кароткі час немагчыма змяненне гэтай падтрымкі", - лічыць палітолаг.
