Мабільная версія
ДЗЯРЖОРГАНЫ

Апошнія навіны
Усе навіны
Анатоль Ісачанка

Выезд улад на месцы дасць магчымасць хутка вырашаць грамадска значныя пытанні

Меркаванні 21.05.2019 | 15:55
Анатоль Ісачанка Анатоль Ісачанка Старшыня Мінскага абласнога выканаўчага камітэта

Выезд улад на месцы дасць магчымасць хутка вырашаць грамадска значныя пытанні. Такое меркаванне выказаў старшыня Мінаблвыканкама Анатоль Ісачанка 21 мая пасля асабістага прыёму грамадзян у Салігорску, перадае карэспандэнт БЕЛТА.

"Прыёмы грамадзян застануцца, але падыход да вырашэння пытанняў крыху зменіцца. Мы будзем старацца папярэдзіць звароты людзей і вырашаць пытанні на месцах. Гэта значыць старшыні выканкамаў і іншыя службовыя асобы не будуць чакаць, пакуль людзі прыедуць, напрыклад, у сельскі савет, а самі выедуць на месцы. Яны сустрэнуцца з людзьмі, раскажуць, што можна вырашыць, што ў бліжэйшых планах, што будзе перанесена на наступны год. На мой погляд, такі падыход дасць большы эфект: гэта будзе прамое ўзаемадзеянне з людзьмі, такім чынам будуць адразу вырашацца не толькі асабістыя праблемы, але і пытанні, якія маюць грамадскі рэзананс", - лічыць Анатоль Ісачанка.

Сёння на прыём да губернатара запісаліся сем чалавек. Найбольш вострай праблемай старшыня Мінаблвыканкама назваў падтапленне зямельных участкаў жыхароў аграгарадка Старыя Цярушкі. Паводле слоў мясцовых жыхарак, вада стаіць у агародах і скляпах, пасевы кожны год гінуць. Як запэўнілі раённыя спецыялісты, праектна-каштарысная дакументацыя ўжо распрацавана, у сярэдзіне ліпеня пачнуцца работы па абароне падворкаў. Прадугледжваецца меліярацыя, будаўніцтва помпавых станцый. Нарматыўны тэрмін выканання - 16 месяцаў, аднак разлічваюць завяршыць работы раней. Анатоль Ісачанка паабяцаў узяць пытанне на кантроль і 15 ліпеня выехаць на месца: паглядзець, ці пачалі работы, ці патрэбна дапамога.

Узнімалася таксама пытанне рамонту дарогі па вул. Пралятарскай аграгарадка Крывічы. Заяўніца паскардзілася, што ў іх населеным пункце заасфальтаваны амаль усе дарогі, а Пралятарская - цэнтральная вуліца - у жахлівым стане. Старшыня Мінаблвыканкама запэўніў, што асабіста агледзіць дарогу, але абяцаць нічога не можа. "Калі б у Салігорскім раёне была толькі адна такая дарога, то мы яе зрабілі б. Але ёсць і іншыя вуліцы, якія патрабуюць рамонту. Таму мы з'ездзім і прымем рашэнне, наколькі яе рамонт прыярытэтны", - адзначыў ён.

Жыхарка гарадскога пасёлка Старобін звярнулася наконт будаўніцтва веладарожкі ад вёскі Дубеі да вёскі Паварчыцы. Анатоль Ісачанка прапанаваў вынесці праблему на грамадскае абмеркаванне і разам вырашыць: лепш зрабіць гэту веладарожку або іншую - у гарадскім парку.

Таксама ўзнімаліся пытанні электразабеспячэння садоўніцкіх таварыстваў, абмежавання руху транспарту, высечкі аварыйных дрэў.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Галасаванне на выбарах дэпутатаў Палаты прадстаўнікоў Датэрміновае галасаванне на выбарах дэпутатаў Палаты прадстаўнікоў Нацыянальнага сходу Беларусі сёмага склікання пройдзе з 12 па 16 лістапада ўключна.