Сёння як ніколі важна даносіць праўду да нашых дзяцей і ўнукаў аб падзеях, якія адбываюцца ў свеце, заявіў намеснік міністра лясной гаспадаркі Уладзімір Крэч, паведамілі БЕЛТА ў прэс-службе Мінлясгаса.
Уладзімір Крэч наведаў мемарыяльны комплекс "Шунеўка", размешчаны ў Докшыцкім раёне Віцебскай вобласці, і ўшанаваў памяць зажыва спаленых жыхароў вёскі. "Мы бачым, як сёння спрабуюць сказіць нашу гісторыю, падмяніць паняцці. Менавіта таму нам важна не адарвацца ад нашых дзядоў і прадзедаў і заўсёды памятаць аб тым подзвігу, які яны ажыццявілі, каб ніхто нават блізка не мог сумнявацца ў гераізме нашага народа, - сказаў ён перад пачаткам цырымоніі ўскладання кветак. - Сёння як ніколі важна даносіць праўду да нашых дзяцей і ўнукаў аб падзеях, якія адбываюцца ў свеце".
На світанні 22 мая 1943 года фашысцкія захопнікі, акружыўшы вёску Шунеўка, сагналі яе жыхароў у хлеў і зажыва іх спалілі. Загінулі 66 чалавек.
