Мабільная версія
ДЗЯРЖОРГАНЫ

Апошнія навіны
Усе навіны
Валерый Садоха

Указ аб падтрымцы экспарту - магчымасць для прыватнага бізнесу выйсці на замежныя рынкі

Меркаванні 16.11.2019 | 14:01
Валерый Садоха Валерый Садоха Дырэктар Нацыянальнага цэнтра маркетынгу Міністэрства замежных спраў Беларусі

З прыняццем указа нумар 412 "Аб падтрымцы экспарту" ў прыватнага бізнесу з'явіцца больш магчымасцей выйсці са сваёй прадукцыяй на замежныя рынкі. Такое меркаванне ў гутарцы з карэспандэнтам БЕЛТА выказаў дырэктар Нацыянальнага цэнтра маркетынгу МЗС Валерый Садоха.

"Гэты дакумент істотна змяняе сітуацыю з удзелам беларускіх суб'ектаў гаспадарання (як юрыдычных асоб, так і індывідуальных прадпрымальнікаў) у выстаўках за мяжой, - лічыць дырэктар цэнтра. - Фінансавая падтрымка, якая прадугледжана ўказам, вельмі значная і важная, паколькі, як мы ведаем, удзел у замежных выстаўках вельмі дарагі, і да прыняцця ўказа дазволіць сабе гэта маглі далёка не ўсе прадпрыемствы, а толькі найбольш вялікія. Тыя, хто пастаўляе ўжо сваю прадукцыю на экспарт, мае нядрэнны прыбытак і хоча пашырыць свае рынкі".

За апошнія тры гады Нацыянальны цэнтр маркетынгу правёў каля 20 выставак за мяжой, і, паводле слоў Валерыя Садохі, традыцыйна ў іх прымалі ўдзел айчынныя гіганты, такія як БелАЗ, МАЗ, МТЗ, Беларуская калійная кампанія, "Гомсельмаш", прадпрыемствы "Белнафтахіма". "Я ні разу не бачыў сярод удзельнікаў індывідуальных прадпрымальнікаў - былі сярэднія прадпрыемствы мясной, малочнай, часам тэкстыльнай галін, а вось невялікія прыватныя прадпрыемствы - не. Для іх гэта было непад'ёмнае фінансавае пытанне", - адзначыў дырэктар цэнтра.

Валерый Садоха таксама адзначыў, што раней урадам дафінансоўваліся толькі некаторыя нацыянальныя выстаўкі, да таго ж размова ішла толькі аб неўладкаваных плошчах (такі квадратны метр прыкладна ўдвая таннейшы, чым у павільёне). Улічваючы высокі кошт, прадпрыемствам часта даводзілася эканоміць, спрабуючы размяшчацца на неўладкаваным пятачку. "Цяпер жа адкрываецца магчымасць для больш шырокага ўдзелу. Мы гаворым не толькі аб колькасці прадпрыемстваў, але і магчымасці атрымаць дастойныя плошчы ў выніку фінансавай падтрымкі з боку дзяржавы", - адзначыў кіраўнік Нацыянальнага цэнтра маркетынгу МЗС.

Ён лічыць, што для індывідуальных прадпрымальнікаў, якім не патрэбны вялікія плошчы на выстаўках, удзел у мерапрыемствах за мяжой цяпер таксама будзе цалкам пад'ёмным з фінансавага пункту гледжання.

Як паведамлялася, 14 лістапада падпісаны ўказ нумар 412, згодна з якім дзяржава будзе кампенсаваць экспарцёрам да 50 працэнтаў расходаў на замежныя выстаўкі і сертыфікацыю.

Версія для друку
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Расія: гандлёва-эканамічнае супрацоўніцтва Расія - асноўны гандлёвы партнёр Беларусі. Аб'ём знешняга гандлю таварамі з Расіяй у 2018 годзе ў параўнанні з 1996-м павялічыўся амаль у 5,5 раза.