Мабільная версія
ДЗЯРЖОРГАНЫ

Апошнія навіны
Усе навіны
Ігар Бузоўскі

У Беларусі забяспечаны магчымасці самарэалізацыі жанчын у асабістым жыцці і прафесіі

Меркаванні 06.03.2019 | 17:04
Ігар Бузоўскі Ігар Бузоўскі Намеснік міністра інфармацыі Рэспублікі Беларусь

У Беларусі забяспечаны магчымасці самарэалізацыі для жанчын як у асабістай, так і прафесійнай сферы. Гэта падкрэслівалі ўдзельнікі круглага стала "Вобраз паспяховай жанчыны ў кантэксце мацярынства і сямейных каштоўнасцей", які адбыўся 6 сакавіка ў Доме прэсы, перадае карэспандэнт БЕЛТА.

Намеснік міністра інфармацыі Ігар Бузоўскі асабліва адзначыў узмацненне ролі жанчын у кіраўніцтве сродкаў масавай інфармацыі. "Гэта кіраўнікі, якія аб'ядноўваюць сёння калектывы, прычым у вельмі няпросты час і ў складаным канкурэнтным асяроддзі, яны адстойваюць важнасць друкаванага слова, СМІ як такіх, адказваюць на выклікі часу", - сказаў намеснік міністра. Паводле яго даных, больш як палавіна рэгіянальных рэдакцый друкаваных выданняў узначальваюць жанчыны.

Ігар Бузоўскі лічыць, што ў Беларусі няма неабходнасці ўводзіць на заканадаўчым узроўні абавязковыя квоты па прыёме жанчын на якія-небудзь пасады. З гэтым меркаваннем салідарна і намеснік старшыні Пастаяннай камісіі па працы і сацыяльных пытаннях Палаты прадстаўнікоў Людміла Канановіч.

"Мы, жанчыны, хочам не толькі ўладкаванасці ў асабістым жыцці, рэалізацыі ў сям'і. Мы бачым сябе актыўнымі ўдзельнікамі стваральнай працы ў нашай цудоўнай Беларусі, таму ў нас ёсць жаночае аблічча і ў журналістыцы, і ў прамысловасці, і ў парламенце, і ў міжнародных структурах", - падкрэсліла намеснік старшыні Беларускага саюза жанчын Лілія Ананіч. Паводле яе слоў, саюз аб'ядноўвае 180 тыс. жанчын у больш як 4 тыс. пярвічных арганізацый.

Разам з тым пастаянны каардынатар ААН, пастаянны прадстаўнік Праграмы развіцця ААН (ПРААН) у Беларусі Іаана Казана-Вішнявецкі нагадала аб існаванні навукова абгрунтаванага пункту гледжання, што жанчыны павінны складаць не менш як 30 працэнтаў кіраўнікоў, каб арганізацыя развівалася ўстойліва і паспяхова. "У Беларусі відаць, што ўзровень не толькі правоў, але і магчымасцей для жанчын вельмі высокі", - канстатавала Іаана Казана-Вішнявецкі. Аднак, на яе думку, удзел беларускіх мужчын у выхаванні дзяцей, у вырашэнні бытавых пытанняў, слабы. "Чаму мяне ў Беларусі часта пытаюць, як я паспяваю сумяшчаць работу і сям'ю, а вось мужчынам такое пытанне не задаюць!" - сказала яна.

Ігар Бузоўскі пагадзіўся, што некаторыя мужчыны, на жаль, недаацэньваюць ролю жанчын. "Не сакрэт, і цяпер ёсць мужчыны, якія прыходзяць дадому, падаюць на канапу і чакаюць, калі ім прыгатуюць вячэру. Трэба, вядома, фарміраваць у грамадстве больш уважлівае, беражлівае стаўленне да жанчын. Гэта дасць большы эфект, чым увядзенне якіх-небудзь абавязковых квот", - упэўнены намеснік міністра

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сотавая сувязь у Беларусі Паслугі сотавай рухомай электрасувязі ў Беларусі аказваюць тры аператары: ЗАТ "БеСТ", ТАА "МТС" і УП "Велком".