Мабільная версія
ДЗЯРЖОРГАНЫ
Апошнія навіны
Усе навіны
Андрэй Худык

Сродкі ад экалагічнага падатку павінны накіроўвацца на прыродаахоўныя мерапрыемствы

Меркаванні 04.06.2018 | 18:35
Андрэй Худык Андрэй Худык Міністр прыродных рэсурсаў і аховы навакольнага асяроддзя Беларусі

Сродкі, што паступаюць у бюджэт ад выплаты экалагічнага падатку, павінны накіроўвацца на прыродаахоўныя мерапрыемствы, заявіў 4 чэрвеня міністр прыродных рэсурсаў і аховы навакольнага асяроддзя Беларусі Андрэй Худык у прэс-цэнтры БЕЛТА.

"Мінпрыроды ініцыіруе накіраванне экалагічнага падатку на прыродаахоўныя мерапрыемствы, у тым ліку на будаўніцтва ачышчальных збудаванняў. І мы будзем займацца гэтым пытаннем вельмі настойліва", - сказаў міністр.

Закранаючы праблему ачысткі прамысловых сцёкавых вод, Андрэй Худык адзначыў, што на большасці сучасных вытворчасцей, на вялікіх высокатэхналагічных прадпрыемствах ачышчальныя збудаванні забяспечваюць належную якасць сцёкаў. Разам з тым у невялікіх гарадах, такіх як Дзятлава, Ашмяны і іншых, патрабуецца рэканструкцыя або будаўніцтва новых ачышчальных збудаванняў.

У сувязі з гэтым па ініцыятыве Мінпрыроды ва ўрадзе створаны пералік прамысловых прадпрыемстваў, дзе неабходна рэканструкцыя або будаўніцтва новых ачышчальных збудаванняў. Гэтыя праекты будуць рэалізоўвацца з прыцягненнем ільготных крэдытаў ЕБРР. "Мы будзем выводзіць палі фільтрацыі з эксплуатацыі і будаваць новыя сучасныя ачышчальныя збудаванні", - дадаў міністр.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Першы этап перапісу насельніцтва Беларусі З 5 па 30 лістапада 2018 года для падрыхтоўкі да правядзення перапісу насельніцтва 2019 года праходзіць праверка адраснай гаспадаркі краіны.