Мабільная версія
ДЗЯРЖОРГАНЫ

Апошнія навіны
Усе навіны
Віктар Манаеў

Спецпрэмія Прэзідэнта дае разуменне, што твая праца патрэбна і людзям, і дзяржаве

Меркаванні 09.01.2019 | 09:19
Віктар Манаеў Віктар Манаеў Народны артыст Беларусі вядучы майстар сцэны Нацыянальнага акадэмічнага тэатра імя Янкі Купалы

Спецыяльная прэмія Прэзідэнта дае разуменне, што твая праца патрэбна і людзям, і дзяржаве, адзначыў народны артыст Беларусі вядучы майстар сцэны Нацыянальнага акадэмічнага тэатра імя Янкі Купалы Віктар Манаеў, які ўдастоены гэтай узнагароды, у размове з карэспандэнтам БЕЛТА.

"Я шчаслівы на сваёй рабоце. Служу ў цудоўным тэатры і гледачу вельмі ўдзячны за любоў да яго", - падкрэсліў Віктар Манаеў.

Паводле яго слоў, папярэдні год быў насычаным і цікавым: ён азнаменаваўся 60-гадовым юбілеем і творчым вечарам, падвядзеннем вынікаў і новымі ролямі. "Цудоўны год атрымаўся, таму што было шмат прэм'ер у тэатры, на вялікай сцэне выпусцілі спектакль "Рэвізор" у пастаноўцы Мікалая Пінігіна. І я там з радасцю іграю Гараднічага. Спектакль карыстаецца вялікім поспехам у гледачоў, што вельмі радуе. Акрамя таго, мы з'ездзілі на вялікія гастролі ў Кітай са спектаклем "Чайка" на беларускай мове з субтытрамі на кітайскай. Наша пастаноўка карысталася там папулярнасцю. Год быў актыўным і добрым. Спадзяюся, што і наступны будзе не горшым", - сказаў акцёр.

Таксама ў 2018 годзе Віктар Манаеў за ролю Гараднічага ў "Рэвізоры" стаў пераможцам V Рэспубліканскага конкурсу тэатральнага мастацтва "Нацыянальная тэатральная прэмія" ў намінацыі "Лепшая мужчынская роля ў спектаклі тэатра драмы". "Лёгка іграць добрых, чыстых, светлых персанажаў, у якіх сапраўды вучышся. Бывае, даводзіцца іграць няшчасных і несумленных людзей. Але, магчыма, глядач паглядзіць пастаноўку і зразумее, як нельга жыць. Таму адмоўныя вобразы таксама маюць вялікае значэнне, калі гэта рабіць сур'ёзна і з поўнай аддачай", - выказаў меркаванне Віктар Манаеў.

Сёння ён задзейнічаны ў сямі спектаклях Купалаўскага тэатра - "Паўлінцы", "Пінскай шляхце", "Местачковым кабарэ", "Чайцы", "Вельтмайстары-акардэоне", "Школе падаткаплацельшчыкаў" і "Рэвізоры". "Мой рабочы дзень бывае розным - часам вельмі напружаным, калі выпускаем новы спектакль. Часам складаным, бо калі пастаноўка сур'ёзная, то і рыхтуешся да яе па-асабліваму, вытрымаць вялікі спектакль немагчыма без сабранасці і канцэнтрацыі", - расказаў акцёр.

Віктар Манаеў нарадзіўся 7 жніўня 1958 года ў Мінску. Скончыў школу ў 1975 годзе, але ў тэатральны інстытут адразу не паступіў. Цэлы год да наступных уступных экзаменаў працаваў у Дзяржаўным тэатры лялек, а затым паступіў у Беларускі тэатральна-мастацкі інстытут на лялечнае аддзяленне. У 1980 годзе таленавітага выпускніка запрасілі ў Купалаўскі тэатр (цяпер Нацыянальны акадэмічны тэатр імя Янкі Купалы).

За амаль 40 гадоў артыст сыграў самыя розныя ролі. За персанаж Лёнькі Адуванчыка ў "Радавых" Аляксея Дударава ў 1985 годзе ён атрымаў Дзяржаўную прэмію СССР у галіне драматычнага мастацтва і стаў самым маладым лаўрэатам гэтай прэміі. Высока было ацэнена і выкананне артыстам ролі Мікіты Зносака з "Тутэйшых" Янкі Купалы, за якую яго ўзнагародзілі Дзяржаўнай прэміяй Беларусі ў 1992 годзе.

Творчасць Віктара Манаева таксама адзначана прэміяй Ленінскага камсамола Беларусі, дыпломам за лепшую мужчынскую ролю на фестывалі "Прыбалтыйская тэатральная вясна-85", дыпломам фестывалю "Залаты віцязь" у 2005 годзе за ролю Жабрака ў спектаклі "Сымон-музыка" паводле паэмы Якуба Коласа, а таксама Нагрудным знакам Міністэрства культуры Беларусі "За ўклад у развіццё культуры Беларусі" ў 2008 годзе. Званне народнага артыста прысуджана ў 2011 годзе, у 2013-м акцёр стаў лаўрэатам Дзяржаўнай прэміі Беларусі.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ЧЕ па фігурным катанні - 2019 Чэмпіянат Еўропы па фігурным катанні праходзіць з 21 па 27 студзеня на лёдзе "Мінск-Арэны".